Airing date: December 12, 2009

Airing time: 9 p.m.

TRANSDERMAL IMPLANT, LIP TATTOO ETC.

Ang trip nilang burloloy, hindi lang ‘yung basta nakasabit, dapat daw nakaukit mismo sa kanilang katawan. Kagaya na lang nang nauuso ngayong transdermal implant. Si Tico, para raw may kakaiba siyang dating, nagpalagay siya ng hikaw sa pingi. At kapag gumaling na ang sugat na nilikha nito, puwede na raw itong palitan ng iba’t ibang pangsabit gaya ng Swarovski crystal at diamond. Si Ariel naman, para raw maipakita ang pagmamahal niya sa kanyang ina, ipina-tattoo niya ang pangalan nito sa kanyang labi. Lahat daw ng sakit kanilang titiisin, kahit pa duguin sila sa pinapangarap nilang burloloy sa katawan.

HANEP-BUHAY!

Hindi sila pihikan sa trabaho dahil ang katuwiran nila, basta’t kumikita sila sa malinis na paraan, papatusin nila! May humihiga sa gitna ng trapiko para lang makadaan ang sineserbisyuhan nilang karo ng patay. Meron din naming nagmamani-obra ng mga surfboard sa kanilang mga kamay, kung saan naka-imprenta ang kinakampanya nilang produkto sa mga lansangan. At sa nalalapit na Pasko, patok na patok daw ang mga nag-iisip ng message sa mga Christmas card.

CHRISTMAS ADVENTURES

Hindi raw sagabal ang maginaw na panahon ngayong Disyembre para sa mga mahihilig sa adventure. Sa Subic, pwedeng galugarin ang kagubatan habang sakay ng silver surfer na nakasabit sa zip line. Para sa mga mahihilig naman daw sa water adventure, subukan ang giant waterslide sa Davao. Pero sa mga nangangarap ng White Christmas, pwede na ngayong magpadausdos sa yelo ala-Santa Claus, sa pamamagitan ng ice sledding sa isang mall sa Pasay.